Жылу қашан беріледі?

Тынымсыз жауған күзгі жаңбыр мен қара суықтың салдарынан осы сұрақ барша қала тұрғындарын мазалауда. Өйткені ешқандай әлеуметтік желілер мен жаңалықтарда нақты дата көрсетілмеген

Санитарлық нормативтік ережеге сәйкес орташа тәуліктік ауа температурасы үш күн бойы +10 градустан көтерілмесе жылу берілу керек. Егер күн күрт суып кетпесе, әкімдіктегілер жаңа жылыту маусымы келесі аптадан басталатындығын айтады.

Жылу алдымен әлеуметтік нысандарға, кейін тұрғын үйлерге беріледі. Ол үшін барлық ПИТК жылу беру маусымына дайын.

Айта кетейік, «ССКӨБ» АҚ ЖЭО қалпына келтіруге 4,5 млрд теңге жұмсады. Бұрын біз мұнда жүргізіліп жатқан қайта жаңғырту жұмыстарының ауқымы туралы хабарлаған болатынбыз. Атап айтсақ, 6 жыл ішінде кәсіпорынның жылуэлектр орталығында төрт іске қосу кешені салынады. Бұл барлық ықтимал апаттардың алдын алуға және қаланы жылумен сенімді түрде қамтамасыз етуге жол ашады. Кен алыбы жаңғырту жобасына 47,4 млрд теңге инвестиция бағыттап отыр.

Айдын АСҚАР

газета «Рудненский рабочий»