Тобыл өңірінде жас та болса өмірлік ұстанымы өнеге, еңбек жолы замандастарына үлгі болар азаматтар баршылық. Солардың бірі – Рудный индустриялық институтының аға оқытушысы Медет Төретаев
Медет – тәуелсіздіктің құрдасы. Жастайынан зерек, білімге құмар болып өскен ол 2013 жылы Әл-Фараби атындағы ҚазҰУ-ның «Органикалық емес заттардың химиялық технологиясы» мамандығы бойынша бакалавр, ал 2015 жылы магистр дәрежесін алып шықты. Университетте жүріп-ақ үш тілді қатар меңгерген студент Германияның Дюссельдорф қаласында тағылымдамадан өтіп, АҚШ, Ресей мен еліміздегі бірнеше халықаралық ғылыми конференцияларға қатысты. Ара-арасында спортқа да көңіл бөліп, жасөспірімдер арасындағы футболдан Қазақстанның екі дүркін чемпионы атанды.
– Жас кезімнен футуристік кітаптар мен фильмдерге қатты қызықтым. Меніңше, білім және ғылым саласының өкілдерін болашақтың «дизайнерлері» деген жарасымды. Өйткені олар адамзаттың шешілмеген құпияларын шешуге көмектесуде, – дейді ол.
Кейіпкеріміз еңбек жолын Алматының ғылыми-зерттеу институтынан бастайды. Ғалым-инженер ретінде жарты жылдай жаңа химиялық технологиялар мен материалдарды зерттеген ол 2015 жылы Рудный индустриялық институтына жұмысқа орналасады. Ұстаздық етіп, өзі секілді көзінде оты бар жастарды ғылымға жетелейді.
– Ұстаз – ғалым да, шахтер де бас иетін ұлы тұлға. Жасыратыны жоқ, соңғы жылдары мұғалімнің қоғамдағы мәртебесі төмендеп кетті. Биліктің қолшоқпарына, кім көрінгеннің жемтігіне айналды. Қазір сең қозғалды, мемлекетіміз педагог мәртебесін көтеруге нақты қадамдар жасай бастады. Келешекте біздің еңбегіміз әлемнің дамыған елдеріндегідей бағаланып, жағдайымыз жақсаратындығына сенімдімін. Ол үшін өзіміз де өзгеріп, жауапкершілігіміз бен ізденісімізді арттыра түсуіміз керек, – дейді жас жігіт.
Медет – 2017 жылдан бастап Экономика және құрылыс факультеті деканының орынбасары, әрі институттағы жас ғалымдар кеңесінің төрағасы. Үйленген, бір ұл мен қыздың қамқор әкесі. Бүгінде заманауи ұстаз алдына биік мақсаттар қойып, соған жету үшін аянбай тер төгіп келеді. Ендеше, іске сәт!
Қуаныш ЕСҚАБЫЛ
газета «Рудненский рабочий»
Современные автобусы выстроились на центральной площади города задолго до начала торжественной церемонии. (далее…)
На обновление инженерных сетей и установку современных светодиодных светильников направлено 13 538 220 тенге (без…
Городской парк культуры и отдыха акимата города инициировал два государственных закупа, направленных на благоустройство и…
Город избавляется от «белых пятен» и готовится к запуску 5G, передает rydnyimedia.kz (далее…)
С застройкой 11-го микрорайона ознакомились депутаты областного маслихата (далее…)
В рамках данного Соглашения АО «КЖК» приобрело 25 арендных квартир. (далее…)
This website uses cookies.