ҚР ҰҚК ШҚ Қостанай облысы бойынша департамент басшысы полковник Арман Жұмахметовтің бастамасымен облысымыздың шеткі нүктелерін қырағы күзетіп жүрген әскери қызметшілер тұмауға қарсы екпе алуда. Мұндай шараның аязды күндері түрлі аурулардың ушыққан кездерінде шекара сақшыларына тигізер пайдасы мол болары сөзсіз.
Қостнай қаласының № 1 емханасының врач-эпидемиолог Гүлсім Сасыкованың айтуы бойынша, Әлемдік денсаулық сақтау ұйымының мәліметіне сүйенсек, әлемде жыл сайын тұмау вирусымен 5-тен 20 пайызға дейінгі аралықта тұрғын ауырады екен. Соның ішінде, 3 миллионнан 5 миллионға дейінгі аралықтағы адам тұмау ауруын қиын түрде өткерсе, 300 000 – 500 000 аралықтағы адам тұмау ауруынан көз жұматын көрінеді. Дүниежүзілік денсаулық сақтау ассамблеясы тұмауға қарсы екпе алу саясатын қолдайтын мемлекеттерді екпе алушылардың қатарын көбейту арқылы осындай маңызды шараны сапалы түрде ұйымдастыруға шақырады. Тұмау ауруына шалдығуға «жақын жүретін» адамдардың қатарына медициналық қызметкерлер, өкпе ауруына шалдыққандар мен қант диабетімен ауратындар және басқа да аурумен ауырып, иммунитеті төмендеген жандар жататын көрінеді.
Бүгінгі жағдайда коронавирус COVID-19 бен тұмау ауруы адамға бір уақытта жұғатын болса, нәтижесі қиынға соғуы мүмкін. Мұндай жағдайда күні-түні жауынгерлік қызметте жүретін әскери қызметшілер шалдығатын болса, ауруы ушығуы мүмкін. Сондықтан да шекарашылар тұмау ауруына қарсы екпені міндетті түрде алуы керек. Себебі вакцина – барлық вирустық аруға жақсы қорған. Екпе алған адамға тұмау жұққан күннің өзінде жеңіл түрімен ауырады. Вакцинаның қашанда вирустардан қорғау мүмкіндігі жоғары. Ағзаны күшейтеді, нығайтады. Ал көп жылғы жауынгерлік қызметтің салдарынан денсаулығында ақауы бар әкери қызметшілер екпені міндетті түрде алуы керек.
Бүгінгі шекара сақшылары қабылдап жатқан Ресей Федерациясында жасалған Грипполплюс полимер-суббірлікті белсенділігі жойылған үш валентті тұмау вакцинасы заманауи екпелердің қатарына жатады. Тұмаудың алдын алуға арналған вакцина бұлшықет ішіне тері астына енгізуге арналған суспсензия. Бір дозаның (0,5 мл) ішінде А типті (H1N1) вирусының антигені бар.
Заманауи дәрі-дәрмекті пайдаланған шекара сақшыларымызға ендігі кезекте түрлі аурулар жауынгерлік қызметтеріне кеселдік бола алмайтынына сенімдіміз.
Майор Манарбек ҚАРЕКЕНОВ,
ҚР ҰҚК ШҚ Қостанай облысы
бойынша Департаменті.
Суреттерді түсірген автор
Народые гулянья дополнили концертная программа, соревнования, бесплатные угощения и отличная погода (далее…)
Народые гулянья дополнили концертная программа, соревнования, бесплатные угощения и отличная погода (далее…)
Об этом на пресс-конференции рассказал аким поселков Горняцкий и Перцевка Зейнелгабиден Абилов. (далее…)
Первую девятиэтажку планируется сдать уже в этом году (далее…)
Дифференцированный тариф находится на согласовании в областном Комитете по регулированию естественных монополий и вступит в силу…
Крепкий мороз не омрачил радость новоселов. (далее…)
This website uses cookies.